Nú er klárt at søkja inn á TSK .
24-02-2026
Tekniski Skúli í Klaksvík bjóðar miðnám, yrkisnám og Serbreyt
Á miðnámi bjóða vit Tøknibreytina, og á yrkisnámi bjóða vit yrkisútbúgvingar innan matvøru, timbur, el og maskin.
Harumframt bjóðar skúlin Serbreyt.
Til ber at kunna seg um útbúgvingarnar á tsk.fo undir teiginum "Útbúgvingar".
Umsókn til miðnám, yrkisnám og Serbreyt fer fram umvegis Vangan og krevur, at tú hevur talgilda Samleikan. Hevur tú onkursvegna ikki hann, ella hevur tú ikki føroyskt P-tal, ber til at taka umsóknarblað niður á hesum leinkinum og senda tað til TSK antin sum bræv ella teldupost.
Hevur tú spurningar viðvíkjandi útbúgvingum ella brúk fyri hjálp við umsóknini, ert tú vælkomin at seta teg í samband við okkum á telefon 456311.
Freistin at søkja er 15. mars 2026.
