Ítróttur- og heilsa.
Á Tøknibreytini á TSK er ein útbúgvingarleið í kallast Ítróttar- og heilsuleið, og er serliga ætla teimum sum hava áhuga fyri ítrótti og heilsu.
Hevur tú nógva orku, og dámar tær væl at íðka ítrótt? Ert tú hugtikin av, hvussu kroppurin virkar, og dámar tær at mála blóðrensl og lungnakapasitet? So er ítróttar- og heilsuleiðin heilt sikkurt nakað fyri teg.
Ítróttar- og heilsuleiðin leggur dent á eina náttúruvísindaliga og dátukunnandi tilgongd til kropp og heilsu. Tann biotøkniliga tilgongdin er fyri teg, sum haraftrat vilt vita meira um kroppin og vilt hava eina verkliga og ástøðiliga tilgongd til kropp og heilsu.
Lestrarleið: Biotøkni A og Ítróttur B.
Tøknibreytin er ein 3 ára miðnámsútbúgving, hvørs endamál er at fyrireika teg til útbúgvingar á hægri stovni. Í mun til aðrar miðnámsútbúgvingar, kanst tú á Tøknibreytini royna tína bókligu vitan í verki – hendan framíhjárætt vilja vit leggja stóran dent á, soleiðis at hann seinni verður tær til fyrimunar.
Námsferðir, virkisvitjanir og smærri verkætlanir uttan fyri skúlan eru vanligar á Tøknibreytini.
Undirvísing
Umframt vanliga floksundirvísing er undirvísingin í stóran mun skipað sum verkætlanir og fer fram á starvsstovum, royndarstovum og verkstøðum, har tú roynir skúlalærdómin í verki við kanningum, og møguleiki er at gera tøkniligar hentleikar.
Samanhald
Á Tøknibreytini verður ymiskt gjørt fyri at gera samanhaldið so gott sum gjørligt. Millum annað útferðir, har fyrstaársnæmingarnir gista onkustaðni í Føroyum, har tað verður spælt, kappast, gjørt mat o.s.fr.
Triðjaársnæmingarnir á Tøknibreytini fara á námsferð uttanlands, har teir hugna sær saman og gera ymiskt fakligt.
Framtíðar møguleikar
Møguleikarnir við einum gymnasialum tøkniprógvi eru nógvir. Útbúgvingin er serliga viðkomandi fyri næmingar, sum ætla sær at nema sær útbúgving innan verkfrøði, matvøruútbúgvingar, sjúkrarøktarfrøði, læknavísindi, miðlar o.a.. Við próvnum ber til at søkja inn á allar hægri framhaldsútbúgvingar.
- Alisfrøði A
- Alisfrøði B
- Enskt A
- Enskt B
- Evnafrøði B
- Forritan B
- Forritan C
- Føroyskt A
- Ítróttur B
- Ítróttur C
- Lestrarmenning
- Lívfrøði B
- Lívfrøði C
- Samfelagsfrøði B
- Samfelagsfrøði C
- Samskiftistøkni A
- Samskiftistøkni C
- Sálarfrøði C
- Støddfrøði A
- Støddfrøði B
- Søga C
- Tøkni A - Bygging og orka
- Tøkni A - Snið og framleiðsla
- Tøkni A - Prosess, matvøra og heilsa
- Tøkni A - Talgild sniðgeving og menning
- Tøknifrøði A
- Tøknifrøði B
- Tónleikur C
- Virkisbúskapur C
Vallærugreinar
Stakgreinalestur
Stakgreinalesandi fylgja undirvísingini eftir somu treytunum sum onnur lesandi. Tey fylgja undirvísingini í flokkum ella í valbólkum.
Undirvísingin í teimum einstøku lærugreinunum endar við próvtøku eftir somu reglum sum fyri onnur lesandi, og undirvísingin skal fylgja somu reglum um útbúgvingartíð og næmingatíð sum fyri onnur lesandi.
Stakgreinalesandi skulu hava støðumet, samstundis sum flokkurin ella valbólkurin, tey eru í, fær støðumet.
Hevur lærugreinin skrivliga próvtøku, skal tann stakgreinalesandi í síðstu lestrarhálvu hava møguleika at fara til skrivliga roynd undir próvtøkulíknandi umstøðum.
Stakgreinalesandi, sum ætlar at taka eitt samlað prógv, skal skriva breytaruppgávu og breytarverkætlan.
Vilt tú vita meira um stakgreinalestur, kanst tú seta teg í samband við lestrarvegleiðingina ella við at trýsta á her:
Sjálvlestur
Sjálvlesandi kann í einari miðnámsútbúgving innskriva seg til próvtøku í einari ella fleiri lærugreinum til summarpróvtøkuskeiðið í seinasta lagi 15. mars. Er bæði skrivlig og munnlig próvtøka í einari lærugrein, kann næmingurin skriva seg inn til próvtøku í báðum hvør sær.
Innskrivingin kostar 300 kr. fyri hvørja próvtøku, hetta er ein trygd, sum verður goldin tær aftur, eftir at tú hevur verið til próvtøku. Trygdin verður ikki afturgoldin, um tú ikki møtir til próvtøku ella meldar frá eftir 15. mars.
Tú fært tilboð um fakliga vegleiðing, antin sum einstaklingur ella í bólki saman við øðrum.
Um tú ætlar at taka fult prógv, skalt tú skriva breytarverkætlan.
Vilt tú vita meira um sjálvlestur, kanst tú seta teg í samband við lestrarvegleiðingina ella við at trýsta á her:
Próvtøkur
Endamálið við próvtøkum og royndum er at skjalprógva, í hvønn mun næmingurin hevur rokkið teimum málum og krøvum, sum ásett eru í teimu einstøku lærugreinunum.
Samlaða talið av próvtøkum skal í minsta lagi vera 8. Í minsta lagi skulu 3 vera skrivligar og í minsta lagi 3 skulu vera munnligar. Verkætlanin í tøkni A telur sum ein skrivlig próvtøka.
Afturat próvtøkunum telur breytaverkætlanin, ið allir næmingar gera, sum ein próvtøka á endaliga próvnum.
