BRIM arkitektar vunnu arkitektakappingina um aulu til Tekniska skúla í Klaksvík

Í vár varð arkitektakapping útskrivað í sambandi við gerð av aulu til Tekniska skúla í Klaksvík, umframt umvælingar í hesum sambandi í verandi bygningi. Í farnu viku varð vinnandi uppskotið avdúkað.Mikudagin 15. juni 2022 var samkoma í miðlasavni skúlans, har Páll Holm Lave frá BRIM arkitektum greiddi frá vinnandi uppskotinum, umframt at Bárður í Baianstovu, arkitektur hjá Landsverki, stutt greiddi frá teimum 5 uppskotunum, ið komu inn til kappingina. Eisini hevði Rúni Heinesen hugleiðing um týdningin av slíkum hentleika til vaksandi virksemi á skúlanum.

Ætlaða aulan ella samkomuhøllin er í uppskotinum umleið 480 m² til støddar, umframt at umvælingar skulu gerast í verandi bygningi, so økið  verður ein samanhangandi og funktionel heild. Í vanligu uppsetingini verða umleið 260 sitipláss, umframt aðrar møguleikar.

Í kappingini luttóku:

Arkitektar ’99/Arkitek

Fuglø ark.

SNA ark.

Zeta Architects

umframt vinnaran BRIM arkitektar.

Í næstum skal landsstýrismaðurin í Uttanríkis- og mentamálum, Jenis av Rana, taka støðu til um farast skal víðari og í tí sambandi gera ráðgevarasáttmála við BRIM arkitektar um verkætlanina.

Onnur tíðindi