Sjúka, forfall

Um næmingur er sjúkur, so er týdningarmikið at boða Skrivstovu skúlans, telf. nr. 456311, frá beinanvegin. Sama er galdandi fyri onnur líknandi forfall.

Tá ið næmingurin kemur aftur í skúla, skal ein vátta, sum fæst á Skrivstovuni,  fyllast út og latast inn har.

Er talan um afturvendandi ella sjúku í eitt longri tíðarskeið, so krevst læknaváttan.

Sjúka og onnur líknandi frávera telur við í fráveruuppgerðini.  Tvs. tað er samlaða fráveran, sum er avgerandi fyri um skúlin gevur ávaringar.